ԱՄՆ-ը պետք է ռազմական օգնություն ցուցաբերի Ուկրաինային, որպեսզի Կիևն իրեն մեկուսացած չզգա ՆԱՏՕ-ի արևելյան սահմանին: ukrinform.ua-ի տեղեկացմամբ՝ այս մասին ԱՄՆ Կոնգրեսի Ներկայացուցիչների պալատում Ուկրաինայում ճգնաժամի խորացման թեմայով լսումների ժամանակ ելույթի ընթացքում հայտարարել է վաշինգտոնյան Վերլուծական միության գիտաշխատող Յան Բժեզինսկին:
«Մենք պետք է ռազմական երաշխիքներ տրամադրենք Ուկրաինային: Մինչ այդ ՆԱՏՕ-ն ու ԱՄՆ-ը հակառակն են արել: Նրանք կարմիր գիծ են գծել դաշինքի արևելյան սահմանին, որը Կիևը ռազմական առումով մեկուսացած է թողնում: Հիմա, երբ Ռուսաստանը Ուկրաինայի հրետանային գնդակոծություններ է իրականացնում, առավել անհետաձգելի է դարձել այդ գիծը մաքրելը»,- հայտարարել է նա:
Ըստ վերլուծաբանի՝ այդ առաջադրանքի կատարման համար ԱՄՆ-ը պետք է բավարարի ռամական տեխնիկա տրամադրելու մասին Ուկրաինայի հայտը՝ ներառելով հակատանկային և զենիթային զինամթերք: Բացի դրանից՝ Ուկրաինա պետք է ուղարկել զինվորական հրահանգիչների, նշել է Բժեզինսկին:
Այդ նախաձեռնություններից ոչ մեկը չի սպառնա Ռուսաստանի տարածքային ամբողջաականությանը, սակայն նրան կստիպի կշռադատել թանկարժեք ու երկարատև ռազմական հակամարտության ռիսկերը, ասել է Բժեզինսկին: