Մեծ Բրիտանիայի բնակիչները զանգվածաբար հրաժարվում են սև կատուներից նրանց «ոչ ֆոտոգենիկ լինելու» պատճառով, գրում է The Telegraph-ը՝ հղում անելով Դաժան վերաբերմունքից կենդանիների պաշտպանության թագավորական միությանը (RSPCA):
Սելֆիի այս դարում հարյուրավոր սև կատուներ փողոցում են հայտնվում, որովհետև լուսանկարում, իբր, իրենց ավելի բաց ցեղակիցներից վատ տեսք ունեն, ասվում է հոդվածում: RSPCA-ն հայտնել է, որ իր հոգածության տակ գտվնող 1 000-ից ավելի կատուների 70%-ը կա՛մ սև են, կա՛մ սև ու սպիտակ:
Կենդանիների փրկության այլ կենտրոններ հայտարարում են, որ կատուների պոտենցիալ տերերը նախընտրում են ունենալ ցանկացած գույնի կատու՝ բացի սևից: Այսպես, Blue Cross բարեգործական կազմակերպությունը նշում է, որ իր մոտ հայտնված սև կատուների թիվը 2007-2013 թթ. աճել է 65%-ով ու հասել 895-ի: Այս տարի այդպիսի կենդանիների թիվը կազմել է 506: