Դեռահասի մարմինը հայտնաբերվել է ԱՄՆ-ի ՌՕՈՒ-ի C-130J բեռնատար ինքնաթիռի հետևի անիվների մեջ այն բանից հետո, երբ ինքնաթիռը վայրէջք է կատարել Գերմանիայում տեղակայված բազայում, հաղորդում է Associated press-ը՝ հղում անելով Պենտագոնի ներկայացուցչին:
ԱՄՆ-ի ՌՕՈՒ-ի կոնտր-ծովակալ Ջոն Կիրբին հայտնել է, որ սևամորթ դեռահասը, հնարավոր է, աֆրիկյան երկրներից մեկի բնակիչ է: Ինքնաթիռը, նախքան Ռամշտայն ժամանելը, մի քանի անգամ վայրէջք է կատարել Աֆրիկայի տարբեր երկրներում:
Կիրբիի խոսքերով՝ մարմինը հայտնաբերվել է սովորական ստուգման ժամաակ: Այն հանձնվել է գերմանական իշխանություններին, սկսվել է դեպքի հետաքննությունը:
Նման դեպք է տեղի ունեցել ապրիլ ամսին, երբ ԱՄՆ-ից մի դեռահաս ինքնաթիռի անիվների մեջ կտրել-անցել էր Խաղաղ օվկիանոսի կեսը և ողջ մնացել:
