Բրիտանացի ինժեներները նոր միջոց են գտել, որպեսզի ստիպեն հասարակական տրանսպորտին ավելի քիչ վառելիք օգտագործել և օդը շատ չաղտոտել: Մոտակա երկու տարիներին բրիտանական մայրաքաղաքի փողոցներ դուրս կգան ավտոբուսներ, որոնք հագեցած են KERS «ֆորմուլային» համակարգի նմանակով, գրում է auto.vesti.ru-ն:
Ինժեներական GKN ընկերությունն ու հասարակական տրանսպորտի Go-Ahead Group անգլիական օպերատորը Լոնդոնի փողոցներ դուրս կհանեն 500 ավտոբուսներ, որոնց վրա տեղադրված է Gyrodrive համակարգը, որն էլ իր հերթին խնայում է արգելակման կինետիկ էներգիան և այն հետագայում վերափոխում էլեկտրականության:
Ինժեներների գնահատականներով՝ այս համակարգի կիրառումը վառելիքը 20%-ով կխնայի:
Լոնդոնի փողոցներում համակարգի փորձարկումներից հետո նմանատիպ ավտոբուսներ կստանան նաև բրիտանական այլ մեգապոլիսներ, մասնավորապես Օքսֆորդը:
Համակարգի ստեղծողները հատկապես հպարտանում են նրանով, որ լոնդոնյան հասարակական տրանսպորտը այնպիսի տեխնոլոգիաներ կստանա, որոնք ոչ միայն բացառապես «ֆորմուլային» արմատներ ունեն, այլև Audi-ին «Լե Մանի 24 ժամը» մրցարշավում հաղթանակ են ապահովել: