Տասնյակ մարդիկ են տուժել երկուշաբթի օրը Չինաստանի հյուսիս-արևմուտքում գտնվող ինքնավար Սինցզյան-Ույղուրական մարզում զինված հարձակման հետևանքով, կան զոհեր: Այս մասին հաղորդում է «Սինհուա» գործակալությունը:
Գործակալության տվյալներով` հարձակումը տեղի է ունեցել հուլիսի 28-ի վաղ առավոտյան: Սառը զենքով զինված մի խումբ մարդիկ հարձակվել են ոստիկանական տեղամասի և կառավարական շենքերի վրա, նրանք նաև հարձակվել են ավտոմեքենաների և անցորդների վրա:
Ոստիկանությունում հաղորդել են, որ տասնյակ հարձակվողներ չեզոքացվել են հենց դեպքի վայրից: Հարձակմանը զոհ են դարձել ինչպես ույղուրներ, այնպես էլ խաներ (էթնիկ չինացիներ): Ոչնչացվել է 31 ավտոմեքենա:
