Դերասան Չակ Նորիսը կարող է նոր խաղի գլխավոր հերոս դառնալ: Siliconera պորտալը հայտնում է The World According to Chuck Norris անունով նախագծի առևտրային ապրանքանիշի գրանցման մասին: Նախագծի մասին մանրամասներ չեն հրապարակվել:
Առևտրային ապրանքանիշի գրանցման մասին հայտը տվել է անձամբ Չակ Նորիսն իր իսկական անունով՝ Կառլոս Ռեյ Նորիս: Առայժմ հնարավոր չէ ստուգել՝ հայտը կեղծ է, թե ոչ:
Չակ Նորիսը նախկինում էլ է հանդես եկել տեսախաղերի հերոսի դերում: 1983թ. թողարկվել է Chuck Norris Superkicks-ը, իսկ 2009-ին՝ Chuck Norris: Bring on the Pain-ը: Դերասանին նման հերոս կա նաև Broforce հարթակում:
