Նյույորքցի կոնգրեսական Քերոլայն Մալոնին օգոստոսին կմեկնի Չինաստան՝ քննարկելու ամերիկյան մեգապոլիս երկու պանդաների ուղարկման հնարավորությունը: Ինչպես գրում է The New York Daily News-ը՝ Մալոնին կայցելի Չենդուի հետազոտական կենտրոն:
«Աշխարհի ամենամեծ քաղաքը արժանի է երկու պանդաների: Դրանք հաջողություն են խորհրդանշում»,- թերթին հայտնել է կոնգրեսականը:
Չինաստանի իշխանությունները առայժմ որոշում չեն կայացրել այդ կապակցությամբ, սակայն Մալոնիին առաջարկել են հայց լրացնել Չենդու այցի ժամանակ:
«Նրանք «ոչ» չեն ասել»,- նշել է ամերիկացի քաղաքական գործիչը:
Իր հերթին The New York Post թերթը գրում է՝ եթե Պեկինը հավանություն տա առաջարկին, ապա Նյու Յորքը կստանա 30 տարվա ընթացքում առաջին պանդաները: Կենդանիներին նախատեսվում է տեղակայել Կենտրոնական պարկի կենդանաբանական այգում:
Մեկ պանդային անազատության մեջ պահելու արժեքը տարեկան 1 մլն դոլար է: