Էստոնիայի Սննդարդյունաբերության միությունը դիտարկում է ապրանքների ռուսերեն մակնշումն արգելելու հնարավորությունը: Այս մասին հայտնում է «Գովորիտ Մոսկվա» ռադիոկայանը:
Ավելի վաղ էստոնացի գրող Ինդրեկ Հարգլան հայտարարել է. «Ես չեմ գնի կաթ, որի վրա ռուսերեն գրված է «կաթ»: Այն, որ էստոնացիները մթերքները մակնշում են ռուսերեն, ամոթ է»:
Այս հայտարարությունից հետո Սննդարդյունաբերության միության ղեկավարը նշել է, որ արտադրողը չի կարող ելնել րոպեական հայտարարությունից, բայց զուտ տեսականորեն մակնշման արգելքը հնարավոր է: Միաժամանակ՝ սպառողական շուկայի հարցերով պետծառայությունում հայտարարել են, որ ռուսերեն մակնշումից հրաժարվելը չի խախտի գնորդների իրավունքները: