Բրիտանական BP ընկերությունը հայտնել է ընթացիկ տարվա երկրորդ եռամսյակում եկամտի աճի մասին` շնորհիվ ռուսական նավթարդյունահանող «Роснефть» ընկերությունում ներդրումների, սակայն նախազգուշացրել է, որ հետագա տնտեսական պատժամիջոցները Ռուսաստանի նկատմամբ կարող են բացասաբար ազդել իր բիզնեսի վրա: Այս մասին գրում է The Wall Street Journal-ը:
Ընկերության եկամուտը կազմել է 3,18 մլրդ դոլար՝ անցած տարվա նույն ժամանակահատվածի 2,4 մլրդ դոլարի համեմատ: Այս մասին ասվում է ВР-ի հաղորդագրության մեջ:
ԱՄՆ-ն արդեն ռուսական ընկերության ղեկավար Իգոր Սեչինի անունը ավելացրել է այն պատաժամիջոցների ենթակաների ցուցակում՝ արգելելով ԱՄՆ քաղաքացիներին նրա հետ բիզնես վարել:
