Եվրահանձնաժողովը հավանություն է տվել ամերիկյան Apple ընկերության կողմից Beats Electronics երաժշտական ծառայության և ականջակալներ արտադրողի գնմանը: Այս մասին գրում է The Wall Street Journal-ը: Գործարքի արժեքը 3 մլրդ դոլար է:
Ավելի վաղ հաղորդվել էր, որ Beats-ի հիմնադիրները՝ երաժշտական պրոդյուսեր Ջիմի Այովինն ու ռեփեր Դոկտոր Դրեն, կդառնան Apple-ի լիարժեք աշխատակիցներ և կաշխատեն համացանցային ծառայությունների գծով Apple-ի փոխնախագահ Էդի Կյուի ղեկավարության ներքո:
Ինչպես հայտարարել են Եվրահանձնաժողովում, գործարքը մտահոգություններ չի առաջացնում, քանի որ ընկերությունների համատեղ մասնաբաժինն ականջակալների արտադրության շուկայում մնում է ոչ մեծ, և միացյալ ձեռնարկությունը կբախվի ուժեղ մրցակցության ինչպես այդ, այնպես էլ հոսքային երաժշտության ծառայության շուկայում:
