Չինական Baidu առցանց որոնման համակարգն աշխատում է սեփական ավտոմեքենայի ստեղծման ուղղությամբ՝ գրում է The Financial Times-ը: Ինչպես հիշեցնում է թերթը, նախկինում Baidu-ն բազմիցս ընդօրինակել է իր ամերիկացի մրցակից Google-ին: Մասնավորապես, նա թողարկել է Street View քարտեզների սեփական տարբերակն ու պատրաստվում է ստեղծել Baidu Eye «խելացի» ակնոցները:
Չինական ընկերության նոր նախագիծը կապված է ավտոմեքենաների հետ: Baidu-ում հաստատում են, որ մեքենան կլինի առավելագույնս ավտոնոմ, սակայն ոչ առանց վարորդի, քանի որ ավտմեքենան պետք է օգնի մարդկանց, այլ ոչ թե փոխարինի:
Հաղորդվում է նաև, որ մեքենան կզինվի «խելացի» վիրտուալ օգնականով:
Մշակման նախատիպը կարող է ներկայացվել 2014-ի վերջին կամ արդեն 2015-ին:
Նշենք, որ ընկերության եկամուտը 2013-ին կազմել է 5.3 մլրդ դոլար: