Մադրիդի «Ռեալ»-ի հարձակվող Քրիշտիանու Ռոնալդուն 2013/14 թվականների մրցաշրջանի լավագույն ֆուտբոլիստ է ճանաչվել` Goal-ի վարկածով:
Պորտուգալիայի հավաքականի ֆուտբոլիստը շրջանցել է Մյունխենի «Բավարիա»-ի կիսապաշտպան Արիեն Ռոբենին և կատալոնական «Բարսելոնա»-ի հարձակվող Լիոնել Մեսսիին: Ռոնալդուն արժանացել է «Goal 50» մրցանակին:
Նախորդ մրցաշրջանում Ռոնալդուն ընդհանուր առմամբ 51 գոլ է հեղինակել: Իր թիմի հետ նա Չեմպիոնների Լիգայի գավաթակիր է դարձել: Բացի այդ, «արքայական ակումբ»-ը նվաճել է նաև Իսպանիայի գավաթը: Իսպանիայի առաջնության մրցաշարային աղյուսակում «Ռեալ»-ը զբաղեցրել է երրորդ հորիզոնականը: