«Առաջին լրատվական»-ի զրուցակիցն է Երուսաղեմի Հայոց պատրիարքության էկումենիկ և արտաքին հարաբերությունների բաժնի տնօրեն, պատրիարքության պաշտոնական մամուլի խոսնակ Արիս արքեպիսկոպոս Շիրվանյանը։
-Սրբազան, Իսրայելում իրավիճակը շարունակում է լարված մնալ: Արդյոք որևէ վտանգ հայոց պատրիարքարանին սպառնո՞ւմ է, թե՞ ոչ:
-Ընդհանուր կացությունը լարված է, բայց Երուսաղեմում խաղաղություն է, առայժմ որևէ խնդիր չկա: Ամբողջ կիզակետը Գազա քաղաքն է, որ գտնվում է երկրի հարավարևմտյան կողմում: Երուսաղեմից այն մոտ 150 կմ հեռու է: Ռմբակոծություններն այնտեղ երկուստեք շարունակվում էին մինչև այս առավոտ: Հիմա երկու կողմերը մարդասիրական զինադադար են ընդունել, որպեսզի ՄԱԿ-ը և եվրոպական պետությունները մարդասիրական օժանդակություն հասցնեն բնակիչներին: Հիմա 24 ժամվա մարդասիրական զինադադար են ընդունել, որ օգնություն հասցնեն Գազայի պաշարյալ բնակիչներին: Գազայի պաղեստինցիներից մինչև հիմա մոտ 1035 հոգիենսպանվել՝մեծամասամբ քաղաքացիներ, կանայք, տղամարդիկ, երեխաներ, իսկ Իսրայելի կողմից սպանվել է 43 զինվոր,և բավականթվովվիրավորներ կան, 4000-ից ավելի վիրավորներ պաղեստինցիների կողմից, իսկ Իսրայելի կողմից՝ 150 վիրավոր կամ մի քիչ ավելի:
-Նոր նախագահից՝ Ռեուվեն Ռիվլինից կա՞ն սպասելիքներ: Արդյոք որևէ դրական տեղաշարժ կա՞ այս ընթացքում:
-Շատ վաղ է ասել, թենոր նախագահ Ռեուվեն Ռիվլինը, որիերդման արարողությունը Քնեսեթում ամսի 24-ին տեղի ունեցավ, և մեր պատիրարքն էլ մյուս հոգևոր առաջնորդների հետ ներկա գտնվեց երդման արարողությանը, պետք է ասել, որ նորընտիր նախագահը հայասեր է և Քնեսեթում միշտ կողմ է արտահայտվել Ցեղասպանությանըճանաչմանը: Տեսնենք՝ այս առումով նախագահ ընտրվելուց հետո ինչ կլինի:
-Այսինքն՝ հույսեր կան, որ այս անգամ Քնեսեթում Հայոց ցեղասպանության ճանաչման հարցը չի՞տապալվի:
-Հնարավոր է, մանավանդ որ ներկա նախագահն ամեն տարի Քնեսեթում խոսել է ի նպաստ Ցեղասպանության ճանաչման,ես ներկա եմ եղել նիստերին, և այն տեսակետն է արտահայտել, որ ամն տարի Հայոց ցեղասպանության հարցը Քնեսեթում պետք է հիշատակվի: Ներկայումս Թուրքիայի՝ Գազայի պաղեստինցիներին ի նպաստ դիրքավորում ունենալը դուր չի գալիս Իսրայելի կառավարությանը:
-Հետաքրքիր է՝ ինչպիսի։հարաբերություններ են իշխանությունների և Հայոց պատրիարքարանի միջև:
-Մեզ համար պաշտոնական ներկայացուցիչը Պաղեստինի ինքնավարության կառավարությունն է, որի նախագահն է Մահմուդ Աբասը: Մեր հարաբերությունը Մահմուդ Աբասի և իր կառավարության հետ է:
-Պատերազմական իրավիճակը որքանո՞վ է ազդում զբոսաշրջության վրա:
-Այս պատերազմի հետևանքով տուրիզմը որոշակիորեն կանգ է առել, ինչը շատ վատ է երկրի տնտեսության համար: Փողոցներում շատ քիչ մարդ կա:
-Դուք նոր եք վերադարձել Հայաստանից: Մայր Աթոռի և Երուսաղեմի հայոց պատիրարքության հարաբերությունները ամրապնդվեցի՞ն, չկա՞ այլևս կոնֆլիկտ:
-Հաստատ կերպովամրապնդվեցին, և՛ կաթողիկոսը, և՛ պատրիարքը գոհ են իրենց հանդիպումից, ուստիուրախ ենք, որ հարաբերությունները բարելավվեցին այս ձևով:
-Արդեն մեկուկես տարի է՝ ընտրվել է պատրիարք: Կային բազմաթիվ խնդիրներ՝ սկսած հողային խնդրից, մինչև ֆինանսական խնդիր: Որքանո՞վ են այսօր այդ խնդիրները լուծված:
-Խնդիրներ,իհարկե,միշտ կան, բայց ամենաուրախալի նորությունն այն է, որ երեկ Վարդավառի տոնի առթիվ ես Սուրբ պատարագ մատուցեցի և երեք սարկավագներ աբեղա ձեռնադրվեցին: Այնպես որ,հիմա մենք զորացանք որպես միաբանություն երեք հոգով: Կարապետ սարկավագ Հայապետյանը վերակոչվեց Գևորգ աբեղա, Լևոն սարկավագ Ալոյանը վերակոչվեց Ներսես աբեղա և Պապին սակավագը վերակոչվեց Արամ աբեղա: Երեքն էլ լավ նվիրյալ անձինք են, որոնք Ժառանգավորաց վարժարանի շրջանավարտներ են: Հուսանք, որ նույն նվիրումով և Սուրբ Հոգու առաջնորդությամբ նրանք կծառայեն մեր սրբավայրերի մեջ և մեր պատրիարքության վարչական կառույցներում:
Տարածքային խնդիրներ հիմա չունենք, բոլորի ուշադրության կենտրոնում են ներկա քաղաքական և զինյալ բախումները: Հավանաբար,մենք վնաս պետք է կրենք այս պատերազմից, քանի որ մեր շատ տարածքներ, որոնք վարձակալված են, մեր եկամտաբեր կալվածքներն են: Այնպես որ,երբ պատերազմ է և անգործություն,վարձակալները դժվար թե կարողանան իրենց պայմանագրային վարձերը վճարել: Այդ նեղությունը պետք է կրենք, մինչև որ երկիրը կամաց-կամաց բարելավվի:
Այսպիսի պատերազմներ նախկինում էլ եղել են,և զինադադար կնքելուց հետո ժամանակավոր, բայց ոչ վերջնական որոշ տարիներ խաղաղություն կլինի, այդ ժամանակ տնտեսությունը վերականգնվում է: Եվ մենք այդ հույսով ենք նայում ապագային: