Իսրայելի վարչապետ Բենիամին Նեթանյահուն համաքաղաքացիներին կոչ է արել պատրաստ լինել տևական ռազմական արշավի և, չնայած միջազգային հանրության կողմից աճող ճնշմանը, խոստացել է, որ չի դադարեցնի այն մինչև առաջադրված խնդրի ավարտը: Այս մասին հայտնում է RIA Novosti-ն:
Նրա խոսքով՝ գործողության նպատակը մնում է նույնը՝ մի քանի տասնյակ անդրսահմանային թունելների ոչնչացումը, որոնք կիրառվում են պաղեստինցի գրոհայինների կողմից Իսրայելի տարածք ներթափանցելու համար:
«Թունելների դեմ գործողությունը առաջին և անհրաժեշտ քայլն է Գազայի հատվածի ապառազմականացման համար: Գործընթացը պետք է լինի բոլոր քաղաքական լուծումների մաս»,- ասել է նա:
