ԵՄ-ն չորեքշաբթի վերջնականապես կընդունի և կհրապարակի ֆիզիկական և իրավաբանական անձանց նոր անունները, ովքեր կհայտնվեն պատժամիջոցների ներքո: Նրանք կլինեն ռուսական ղեկավարությանը մոտ կանգնած անձինք և ընկերություններ, Ղրիմի և Ուկրաինայի վերաբերյալ որոշումների պատասխանատուներ՝ հայտարարել է ԵՄ ներկայացուցիչը: Այս մասին փոխանցում է RIA Novosti-ն:
Երեկ՝ ավելի վաղ, հայտարարվել էր, որ ԵՄ-ն նախնական համաձայնեցրել է պատժամիջոցների ցուցակի ընդլայնման հարցը: Ցուցակում արդեն կա 87 անուն և 20 կազմակերպություն:
Ավելի վաղ Wall Street Journal-ը հայտնել էր, որ ԵՄ-ն պատրաստվում է պատժամիջոցների ցուցակում ներառել 5 քաղաքացիների և 2 ընկերությունների: