ՀԴԲ-ի հատուկ զեկույցը հնարավորություն է տվել բացահայտել այն սպառնալիքները, որոնք կապված են առանց վարորդի կառավարվող ավտոմեքենաների զանգվածային թողարկման հետ, գրում է vestifinance.ru-ն:
Զեկույցի համաձայն՝ այսպիսի տեխնոլոգիաների մշակման մեջ լրջորեն ներգրավված են ոչ միայն աշխարհի առաջատար ավտոարտադրողները, այլև IT ոլորտի ներկայացուցիչները, ինչպիսին է Google-ը: Նրանք պնդում են, որ առանց վարորդի կառավարվող մեքենան պետք է մեծացնի վարորդի հարմարավետությունը և նվազեցնի վտանգավոր դեպքերը ճանապարհներին: Դա վերաբերում է վարելու բարձր մշակույթ ու համացանցի լավ հասանելիություն ունեցող երկրներին:
Google-ի կարծիքով՝ նման տաքսիները կստիպեն շատերին ընդհանրապես հրաժարվել սեփական մեքենաներից: Դա հատկապես ակտուալ է այն մարդկանց համար, ովքեր վարել չգիտեն և չեն սիրում, սակայն սեփական մեքենա ոնենալը նրանց համար հարմար է:
Սակայն ամերիկացի իրավապահները մտավախություն ունեն, որ նման մեքենայից հանցագործը կարող է կրակել նրան հետևող հատուկ ծառայության մեքենայի ուղղությամբ՝ ընդհանրապես չհետևելով ճանապարհին: Դրանից բացի, առանց վարորդի կառավարվող մեքենայի մեջ կարելի է պայթուցիկ նյութ դնել և այն ուղղել դեպի նպատակավայր:
ՀԴԲ-ի կարծիքով՝ կան նաև դրական կողմեր, որոնցից մեկը ճանապարհներին վթարների նվազեցումն է: Զեկույցի հեղինակների կարծիքով՝ ԱՄՆ-ում նման մեքենաներ ճանապարհներին օգտագործելու թույլտվություն կտրվի արդեն 5-7 տարի անց: