Վրաստանի խորհրդարանի նախկին խոսնակ Նինո Բուրջանաձեն հայտարարել է նախկին նախագահ Միխեիլ Սաակաշվիլիի գործի հետաքննությանը աջակցելու պատրաստակամության մասին՝ նշելով, որ առաջին հերթին նա պետք է պատասխանատվություն կրի 2008 թվականի օգոստոսի պատերազմի համար։
Վրաստանի գլխավոր դատախազությունը երկուշաբթի հայտարարել է, թե Սաակաշվիլին քրեական պատասխանատվության է կանչված 2007 թ. նոյեմբերին ընդդիմության ակցիայի ցրման, «Իմեդի» հեռուստաընկերության ավերման և միլիարդատեր Բադրի Պատարկացիշվիլիի սեփականության բռնագրավման մասին գործով։ Քննությունը տարվում է Վրաստանի Քրեական օրենսգրքի 333 հոդվածի 3 մասով՝ «Ծառայողական պարտականությունների չարաշահում՝ տուժողի արժանապատվության նվաստացմամբ»։
«Առաջին հերթին, Սաակաշվիլին պետք է պատասխանատվություն կրի օգոստոսյան պատերազմի իրադարձությունների համար։ Այսօր հայտարարված մեղադրանքների հետ մեկտեղ պետք է հետաքննվի մայիսի 26-ի արյունոտ ցրումը, և պետք է քննվեն բազմաթիվ ահաբեկված մարդկանց, սեփականության անօրինական բռագրավման գործերը»,- «Նորություններ-Վրաստան» գործակալությունը մեջբերում է «Իմեդի» հեռուստաընկերության նախկին խոսնակի հայտարարությունը։
Ինչպես նշել է Բուրջանաձեն, որը «Ժողովրդավարական շարժում. միացյալ Վրաստան» ընդդիմադիր կուսակցության առաջնորդն է, ինքը պատրաստ է աջակցել դատախազությանը Սաակաշվիլիի գործի քննության մեջ։ «Ես արդեն դատախազությանը ներկայացրել եմ ոչ մեկ տեղեկություն։ Եվ հիմա պատրաստ եմ,- եթե կունենամ լրացուցիչ տեղեկություն,- նպաստել հետաքննության արդար և օբյեկտիվ անցկացմանը»,- ասել է նա։