Օրենգոն նահանգի բնակիչ երեքամյա տղան ջարդել է արտաճանապարհային մեքենան՝ դրանով մխրճվելով հարևանի տան մեջ, և տուն վերադարձել՝ մուլտֆիլմեր դիտելու: Այս մասին հայտնում է FOX12 Oregon-ը:
Ոստիկանության սպան, նկատելով տղային Jeep Wrangler-ի մոտ, մոտեցել էր և հարց ուղղել նրան ծնողների վերաբերյալ: Երեխան պատասխանել էր, որ ծնողները տանը չեն, իսկ իր հետ տանը գտնվում է մորաքույրը, որը քնած է: Ոստիկանությունում հաստատում են, որ սպան նախազգուշացրել է 22-ամյա մորաքրոջը, որ երեխան կարող է միացնել մեքենայի շարժիչը: Նա էլ ասել է, որ բանալիները հուսալի տեղում են, և որ տղան դրանց չի հասնի:
Քիչ անց ոստիկանությունը նույն վայր է ժամանել՝ կապված վթարի մասին հաղորդագրության հետ:
Միջադեպի հետևանքով ոչ ոք չի տուժել:
Երեխայի ծնողների դեմ առաջադրվել է երեխայի նկատմամբ վերահսկողության բացակայության մեղադրանք: Նրանք պարտավորվել են փոխհատուցել հարևաններին վերանորոգման աշխատանքների արժեքը: