Հյուսիսային Իռլանդիայում անցկացվել է ճահճում լողի 10-րդ առաջնությունը՝ գրում է Belfast Telegraph-ը: Peatlands Park-ում անցկացված մրցույթի մասնակից է դարձել մոտ 30 մարդ, այդ թվում՝ 2 ամերիկացի:
Ինչպես հիշեցնում է թերթը, Bog Snorkelling Championships-ը Հյուսիսային Իռլանդիայում ամռան գլխավոր իրադարձություններից մեկն է: Մարզիկներից պահանջվում է լողալ ճահճում դիմակով, շնչառական խողովակով և ոտքի լողակներով: Լողի որևէ կոնկրետ ոճ այս դեպքում չի կիրառվում:
«Մթնոլորտը ցնցող էր»,- հայտարարել է մրցույթի կազմակերպիչ Քոլին Գեյթսը: Նրա խոսքով՝ վատ եղանակի պատճառով հանդիսականների թիվն անցած տարիների համեմատ քիչ է եղել:
