Հյուսիսային Տեխասում աֆրիկյան մեղվաճանճերն ավելի քան 1 000 անգամ խայթել են տղամարդուն, երբ նա հնձելիս է եղել գոլֆի ակումբում: Մեղուները ևս 2 մարդու են խայթել, որոնք փորձել են օգնության հասնել իրենց աշխատակցին, հայտնում է Lenta.ru-ն:
Դեպքի վայր ժամանած փրկարարներին հաջողվել է պարսը քշել կրակմարիչների փրփուրով: Գոլֆ ակումբի 2 աշխատակիցներին հոսպիտալացրել են: Բժիշկները նրանց վիճակը գնահատել են բավարար: Երրորդ տղամարդուն բժիշկները զննել են տեղում և տուն ուղարկել:
Փրկարարների խոսքով՝ հավանաբար, հարձակման պատճառը խոտհնձիչ մեքենայի աղմուկն է եղել: Դա կարող էր մեղուներին վախեցնել ու ստիպել պաշտպանվել:
Սպորտային կենտրոնը, հարևան ճանապարհը և գոլֆի դաշտի մի մասը փակել են այցելությունների համար: Աշխատակիցները դժվարացել են ասել՝ արդյոք մեղուները հեռացե՞լ են արդեն:
