Իրաքի հյուսիսում՝ Մոսուլ քաղաքի ծայրամասերում, կատաղի մարտեր են ընթանում քրեական զինված ստորաբաժանումների ու «Իսլամական պետություն» խմբավորման ծայրահեղականների միջև: Այս մասին հայտնում է «Ալ-Սումարիա» հեռուստաալիքը:
Բախումները բռնկվել են քաղաքից հյուսիս-արևմուտք, որը գտնվում է ահաբեկիչների վերահսկողության ներքո: Հաղորդվում է, որ ոչնչացվել են խմբավորման երկու ազդեցիկ պարագլուխներ:
Մոսուլի հյուսիսում ծայրահեղականները հարձակում են կատարել մզկիթի վրա: Նրանք ներխուժել են շենք կրոնական դասի ժամանակ և առևանգել մոտ 20 դպրոցականի և ուսուցչի:
Երկրի՝ մեծությամբ երկրորդ քաղաքի բնակիչները ստեղծում են կամավորական զինված ջոկատներ՝ ծայրահեղականների դեմ պայքարի համար:
Շարունակվում է հակաահաբեկչական օպերացիան նաև Տիգրիտի շրջակայքում: Ինչպես հաղորդվում է, բնակավայրից հարավ ավիացիայի աջակցությամբ անվտանգության ուժերը ոչնչացրել են 34 գրոհայինների:
Վարչապետ Նուրի Ալ-Մալիկին որոշում է ընդունել 10 մլն դոլար տրամադրել՝ անվտանգության աշխատակիցներին արտերկրում բուժելու համար: Երկրի առողջապահության նախարարության հաղորդմամբ՝ արդեն մոտ 100 վիրավոր ուժայիններ ուղարկվել են արտերկրի բուժհաստատություններ: