Երկու կուսակցություններից 10 կոնգրեսականներ Ներկայացուցիչների պալատ են ներկայացրել օրինագիծ, որով առաջարկում են Ուկրաինան ճանաչել ԱՄՆ ռազմական դաշնակից՝ հայտնում է փաստաթղթի հեղինակներից մեկի՝ Փենսիլվանիայից հանրապետական կոնգրեսական Ջիմ Գերլակի մամլո ծառայությունը: Այս մասին հայտնում է RIA Novosti-ն:
Ուկրաինայի նախագահ Պյոտր Պորոշենկոն ավելի վաղ հայտարարել էր, որ Կիևը կարող է ԱՄՆ-ից խնդրել ՆԱՏՕ-ից դուրս հիմնական դաշնակցի կարգավիճակ:
Գերլակի հայտարարությամբ՝ օրինագիծը կոչ է անում նախագահ Բարաք Օբամային Ուկրաինայի կառավարությանը տրամադրել օգնություն անվտանգության և հետախուզության ոլորտում: «Մեր օրինագիծը կոչ է անում Ուկրաինան ճանաչել ՆԱՏՕ-ից դուրս հիմնական դաշնակից՝ ժամանակավոր հիմունքով տրամադրելու անհրաժեշտ ռեսուրսներ և անվտանգություն, որով ՆԱՏՕ-ն ապահովում է իր անդամ-երկրներին»,- հայտարարել է Գերլակը՝ Ռուսաստանին մեղադրելով Ուկրաինայում իրավիճակի ապակայունացման մեջ: