Հյուսիսային Կալիֆոռնիայում մոլեգնում են անտառային հրդեհները, հաղորդում է ամերիկյան ABC News հեռուստաալիքը՝ հղում անելով Associated Press-ին։
Ներկայումս կրակից տուժել է Ամադոր և Էլդորադո օկրուգների մոտավորապես 3800 ակր (ավելի քան 1500 հա) տարածք։ Կրակը շարունակում է տարածվել դեպի ուրիշ շրջաններ։ Հրդեհը ոչնչացրել է 10 տուն, հարյուրավոր մարդիկ ստիպված են եղել տարհանվել Սյերա Նևադայի նախալեռներ։
Հրշեջների տվյալներով, կրակը շարունակում է սպառնալ Սակրամենտոյից արևելք ընկած հարյուրավոր տների։ Տարածաշրջանում չոր եղանակ է, սպասվում է քամու ուժգնացում։
Կրակի դեմ պայքարի են ելել մեկուկես հազար հրշեջներ, գործարկվել է ուղղաթիռ։ Տեղական մամուլի տվյալներով, հրշեջներին հաջողվել է տեղայնացնել միայն հրդեհի մեկ հինգերորդ մասը, և կրակը շարունակում է տարածվել ավելի քան 30 կմ/ժ արագությամբ։