Ֆրանսիայի ԱԳՆ-ն խնդրանքով դիմել է Լիբիայում գտնվող իր քաղաքացիներին լքել երկրի տարածքը՝ ելնելով անվտանգության նկատառումներից, շաբաթ օրը հաղորդել է Reuters գործակալությունը՝ հղում անելով ֆրանսիական արտաքին քաղաքական գերատեսչության հայտարարությանը։
«Մենք խնդրում ենք մեր երկրի քաղաքացիներին՝ հնարավորինս շուտ կապի մեջ մտնել Տրիպոլիում դեսպանատան (Ֆրանսիայի) հետ»,- ասվում է Ֆրանսիայի ԱԳՆ հայտարարությունում։
Լիբիայում առաջվա պես պահպանվում է անկայուն մթնոլորտը։ Շաբաթ հաղորդվել էր, որ շարունակվող մարտական գործողությունների պատճառով, որոնց մասնակցում են մրցակցող խմբավորումների անդամները, երկրի մայրաքաղաքում տարհանվել է ԱՄՆ դեսպանատան անձնակազմը։ Միացյալ Նահանգների պետդեպարտամենտը կոչ է արել իր քաղաքացիներին՝ ձեռնպահ մնալ Լիբիա այցելություններից։ Բացի ամերիկյան դեսպանության աշխատակիցներից՝ այդ երկրից տարհանվել են նաև թուրքական դիվանագիտական առաքելության մոտ 700 աշխատակիցներ։
