Այս շաբաթ Նյու Յորքում տեղի է ունեցել «Հերկուլես» ֆիլմի պրեմիերան, որտեղ Իրինա Շեյքը կատարել է կանացի դերերից մեկը: Դրանից բացի, աղջիկը վերջերս դարձել է ներքնաշորերի Twin Set ապրանքանիշի դեմքը, զարդարել է չինական Cosmopolitan-ի և ամերիկյան Maxim-ի շապիկները, նաև մասնակցել է Փարիզի Նորաձևության շաբաթի ցուցադրություններին:
28-ամյա Շեյքը ոչ միայն հայտնի մոդել է, այլև պորտուգալացի ֆուտբոլիստ Քրիշտիանու Ռոնալդուի սիրելին, դերասանուհի, բազմաթիվ բրենդների դեմք, բարեգործ և ուղղակի գեղեցիկ կին: Spletnik.ru-ն որոշել է պարզել Իրինայի հաջողության գաղտնիքներն ու հետևել ոճի և արտաքինի զարգացումներին:
Իրինա Շայխլիսլամովան ծնվել է 1986թ. հունվարի 6-ին Չելյաբինսկի մոտ գտնվող Եմանժելինսկ քաղաքում: Նրա հայրը հանքափոր է եղել, իսկ մայրը՝ մանկապարտեզի երաժշտության ուսուցիչ: Մեր հերոսուհին նաև ավագ քույր ունի:
Իրինայի խոսքով՝ մարդիկ չեն հավատում, որ ինքը ռուս է, ավելի շատ լատինամերիկուհու են նմանեցնում: Ի դեպ, նշենք, որ Իրինայի հայրը թաթար է:
Վեց տարեկանում Իրինան սկսել է դաշնամուր նվագել, ինը տարեկանում ընդունվել է երաժշտական դպրոց, որտեղ երգել է նաև երգչախմբում:
Իրինան 14 տարեկան է եղել, երբ թոքաբորբի բարդությունների հետևանքով մահացել է հայրը, և նրանց ընտանիքը փաստացի առանց միջոցների է մնացել, և մայրը ստիպված երկու տեղում է աշխատել:
Դպրոցից հետո Իրինան մարքեթինգ է ուսումնասիրել, սակայն շուտով քրոջ հետ ընդունվել է «գեղեցկության դպրոց»: Այնուհետև նա հաղթել է Չելյաբինսկի «Սուպերմոդել-2004» մրցույթում, որտեղ էլ նրան նկատել է Գիա Ջիկիձեն, որը ժամանակին բացահայտել է Նատալյա Վոդյանովային, Եվգենիա Վոլոդինային: 2005թ. սկսած նա աշխատել է Եվրոպայում, իսկ ավելի ուշ՝ ԱՄՆ-ում:
2007թ. Իրինան դարձել է ներքնազգեստի Intimissimi բրենդի դեմքը: Նույն տարում նկարահանվել է Sports Illustrated ամսագրի համար և մինչև այժմ շարունակում է:
2009թ. Իրինան սկսել է համագործակցել լողազգեստների Beach Bunny բրենդի հետ, նաև դարձել է Guess-ի գովազդային արշավի դեմքը: Դրանից բացի՝ նկարահանվել է Victoria’s Secret-ի, Lacoste-ի, Cesare Paciotti-ի և Morellato բրենդների գովազդային արշավների համար, հայտնվել է այնպիսի ամսագրերի շապիկներին, ինչպիսիք են Jalouse, Allure, Vogue, Maxim, Woman, Paris Capital պաբերականները: 2009թ. Շեյքը պայմանագիր է մոդելային IMG գործակալության հետ:
Բախտը Շեյքին սկսել է ավելի շատ ժպտալ 2010թ., երբ նա դարձել է Armani Exchange-ի գովազդային արշավի դեմքը, հայտնվել է GQ, Elle, Glamour և Ocean Drive ամսագրերի շապիկներին, ներկայացրել է իսպանական Harper’s Bazaar-ի հագուստը:
2011թ. Շեյքը գովազդել է Luli Fama-ի լողազգեստները և John John Denim-ի ջինսային հագուստը: Նկարահանվել է վերը նշված և այլ ամսագրերի շապիկներին:
2013թ. Իրինան նկարահանվել է Vs. Magazine-ի շապիկի համար, մասնակցել է Ջերեմի Սքոթի և Նյու Յորքի նորաձևության շաբաթի ցուցադրություններին: Նույն տարում Փարիզի նորաձևության շաբաթում հանդես է եկել Givenchy-ի շոուում:
2013թ. մոդելն առաջին անգամ հայտնվել է Vogue-ում: Իսկ ահա 2014թ. Շեյքը ամսագրի շապիկին հայտնվել է ընկերոջ՝ Քրիշտիանու Ռոնալդուի հետ, որի հետ սկսել է հանդիպել 2010թ. մայիսին, երբ ֆուտբոլիստը խաղում էր Real Madrid-ում:
Իրինան ակտիվորեն զբաղվում է բարեգործությամբ:
