Vorotan.am-ը գրել է.
Դեռեւս 2012 թ-ին Սիսիանի քաղաքապետարանում Սյունիքի մարզպետարանի աշխատակիցների կողմից անցկացված վարչական հսկողության ընթացքում ֆինանսների բնագավառում կատարված ստուգումների արդյունքում հայտնաբերվել էր, որ Սիսիանի քաղաքապետարանի իրավասու պաշտոնատար անձինք, խախտելով գնումների եւ ՀՀ հողային օրենսդրության մասին պահանջները, էական վնաս են պատճառել համայնքի և անձանց իրավունքներին ու օրինական շահերին:
Փաստի առթիվ 2013 թ-ի օգոստոսի 29-ին հարուցվել էր քրեական գործ`ՀՀ քրեական օրենսգրքի 308-րդհոդվածի 1-ին մասի(Պաշտոնեական լիազորությունների չարաշահում) և 314-րդ հոդվածի(Պաշտոնեական կեղծիք) հատկանիշներով:
Հանցագործությունները կատարվել են 2010-2012 թվականներին:
Նախաքննությունն իրականացրել է ոստիկանության Սյունիքի քննչական բաժինը։
Կատարված քննությամբ հիմնավորվել են ստուգումների արդյունքում հայտնաբերված խախտումներն ու պաշտոնեական լիազորությունների չարաշահումները, խոշոր չափերի հասնող խարդախությունն ու կեղծիքները, եւ Սիսիանի քաղաքապետ Աղասի Հակոբջանյանի ու Սիսիանի քաղաքապետարանի մի շարք պաշտոնատար այլ անձանց նկատմամբ առաջադրվել են մեղադրանքներ՝ ՀՀ քրեական օրենսգրքի տարբեր հոդվածներով:
Սիսիանի քաղաքային համայնքի ղեկավար պաշտոնատար անձ հանդիսացող Աղասի Հակոբջանյանը, ծառայության նկատմամբ անփույթ վերաբերմունքի հետեւանքով պատշաճ չի կատարել իր ծառայողական պարտականությունները, ինչի հետեւանքով համայնքին պատճառել է էական գույքային վնաս, այսինքն՝ կատարել է ՀՀ քրեական օրենսգրքի 315 հոդվածի 1-ին մասով նախատեսված հանցագործություն:
ՏԻՄ օրենքի 34-րդ հոդվածի կարգով պարտավոր լինելով տնօրինել համայնքի բյուջեի միջոցները եւ ապահովել դրանց նպատակային օգտագործումը, իր պարտականությունները չկատարելու, իր անբարեխիղճ եւ անփույթ վերաբերմունքի հետեւանքով էական վնաս է պատճառել Սիսիանի քաղաքային համայնքին:
2014 թ-ի հունիսի 24-ին Սիսիանի քաղաքապետ Աղասի Հակոբջանյանին մեղադրանքներ է առաջադրվել ՀՀ քրեական օրենսգրքի 315 հոդվածի առաջին մասով, խափանման միջոց է կիրառվել չհեռանալու մասին ստորագրությունը:
Առաջադրված մեղադրանքում Աղասի Հակոբջանյանն իրեն մեղավոր է ճանաչել, զղջացել կատարածի համար:
Ամբողջությամբ՝ սկզբնաղբյուր կայքում: