Ըստ համաշխարհային առողջապահության կազմակերպության տվյալների՝ աշխարհում կատարակտա հիվանդությամբ տառապում է ավելի քան 17 միլիոն մարդ:
Ըստ ընթացքի՝ կատարակտան լինում է սկսվող, ոչ հասուն և հասուն: Ոչ հասուն կատարակտայի փուլում դիտվում է տեսողության սրության նվազում, հասուն կատարակտայի փուլում՝ առարկայական տեսողության բացակայություն: Հիվանդության վատագույն հետևանք կարող է լինել կուրությունը:
Բժշկագիտության և տեխնիկայի զարգացմանը զուգընթաց կատարակտայի հեռացման հիմնական միջոցը դարձել է Ֆակոէմուլսիֆիկացիան՝ ոսպնյակի հեռացումը ուլտրաձայնային հեղուկի մանրացման ճանապարհով: Այս մեթոդն ունի մի շարք առավելություններ, որոնցից են՝
1.Հետվիրահատական բարդությունների առաջացման նվազագույն ռիսկը,
2.Տարիքային սահմանափակումների բացակայությունը,
3.Տեսողության հնարավոր առավելագույն լավացումը։
Ժամանակակից սարքավորումների կիրառումը թույլ է տալիս վիրահատությունը կատարել 3,2 մմ չափով կտրվածքի միջոցով: Այդպիսի կտրվածքների դեպքում կա՛մ ընդհանրապես կարեր չեն դրվում, կա՛մ դրվում են քիչ քանակությամբ: Վիրաբուժության հենց այս մեթոդն էլ անվանում են «Ակնաբուժության մարգարիտ»:
