Ուկրաինայի նախագահ Պյոտր Պորոշենկոն դիմել է ԱՄՆ-ին՝ կոչ անելով Եվրամիության հետ ձևավորել Ուկրաինայի աջակցության միջազգային կոալիցիա: Այդ մասին նա գրել է The Washington Post-ում տպագրված իր հոդվածում:
«Ինչպես միշտ, Միացյալ Նահանգները պետք է իր վրա վերցնի նախաձեռնությունը: Աշխատելով Եվրամիության հետ միասին՝ Վաշինգտոնը կարող է ձևավորել երկրների միջազգային կոալիցիա՝ հաջակցություն Ուկրաինային, այն նպատակով, որ ահաբեկիչները ի վիճակի չլինեն նոր հարված հասցնել»,- ասվում է հոդվածում:
Պորոշենկոն ընդգծել է սահմանափակող միջոցառումների կարևորությունը, որոնք ԱՄՆ-ը սահմանել էր Ռուսաստանի նկատմամբ՝ ի պատասխան Ուկրաինայի դեմ ագրեսիայի:
Դրա հետ միասին, նա կոչ է արել Վաշինգտոնին դիտարկել ավելի կոշտ ու լայն ոլորտային պատժամիջոցների սահմանումը Մոսկվայի հանդեպ: «Իսկ Եվրոպան պետք է հետևի ԱՄՆ օրինակին, և իր հերթին սահմանի ոլորտային պատժամիջոցներ»,- ասել է Պորոշենկոն: