«Հիմա մենք լավ կառավարություն չունենք, ասելիք էլ չունենք, ցանկալի է, որ վարչապետն ինքն իր կամքով հրաժարական տա, քանի ուշ չի, թե չէ ժողովուրդը ոտքի կկանգնի»: «Առաջին լրատվական»-ի հետ զրույցում նշել են Գնունու շինարարական շուկայի աշխատակիցները՝ հավելելով, որ երկրի վիճակը օր օրի դեպի վատն է գնում, դեպի կործանում, ինչը նշանակում է, որ կառավարության անդամները զբաղված են միայն իրենց հարցերը կարգավորելով։ «Բարեփոխումները երևի իրենք իրենց գրպանի վրա են զգում, մենք մեր գրպանի վրա չենք զգում»,- նկատում էին շուկայի աշխատակիցները: Նրանք ընդգծում էին, որ ոչ վարչապետ Հովիկ Աբրահամյանի, ոչ մեկ ուրիշի խոստումներին չեն հավատում, բոլորն էլ խոստումներ են տալիս, բարեփոխումների մասին խոսում, բայց իրականում բոլորովին այլ պատկեր է՝ թանկացումներ, հարկային խստացումներ: Շուկայի աշխատակիցներն իրենց հույսը սեփական ուժերի վրա են դնում, բայց ընդգծում են ՝ երկրում նրանց զարգանալ թույլ չեն տալիս. «Բայց մեր երկիրը չենք թողնելու, թող իշխանությունները լքեն»,- բարկացած ընդծում էին շուկայում:
Առավել մանրամասն՝ տեսանյութում։