ՀԱՄԱՍ պաղեստինյան շարժումը համաձայնել է հետևել Գազայի հատվածում 12-ժամյա հրադադարին, ինչի մասին ավելի վաղ հայտարարել էր Իսրայելի վարչապետ Բենիամին Նեթանյահուն: Այս մասին հաղորդում է France Presse-ը:
«ՀԱՄԱՍ-ը համաձայնել է 12-ժամյա հրադադարին, որը սկսվում է այսօր առավոտյան»,- հայտարարել է շարժման ներկայացուցիչը անանունության պայմանով:
Հիշեցնենք, որ Իսրայելի վարչապետը ԱՄՆ պետքարտուղար Ջոն Քերիի հետ զրույցում հավաստիացրել է, որ իսրայելական բանակը շաբաթ օրը, առավոտյան ժամը 7-ից Գազայի հատվածում 12 ժամով կդադարեցնի գործողությունը: