Չարլսթոնի նավահանգստում (Հարավային Կարոլինա), որտեղ հազարավոր աֆրիկացի ստրուկներ առաջին անգամ ոտք դրեցին ամերիկյան հող, շուտով կսկսվի մեծ թանգարանի շինարարությունը: Այն նվիրված կլինի ստրկության պատմությանն ու Հյուսիսային Ամերիկայում ազատագրական շարժմանը: Այս մասին փոխանցում է Travel-ը:
Թանգարանը կզբաղեցնի մոտ 4000 քառակուսի մետր տարածք: Մինչև XIX դար աֆրիկացիների մոտ կեսն Ամերիկայում են հայտնվել հենց Հարավային Կարոլինայով:
Տեղի իշխանությունների հավաստմամբ՝ այն կդառնա ԱՄՆ-ի ամենանշանակալի թանգարաններից մեկը: Դիզայնի մշակումն ու ցուցանմուշների ընտրությունը կղեկավարի Ռալֆ Ապելբաումը՝ Վաշինգտոնում Հոլոքոստի հիշատակի թանգարանի ստեղծողը: