Դիլիջանի ԽՍՀՄ կինեմատոգրաֆիստների միության հանգստյան տան բազայի վրա վերակառուցվում է ֆինանսների նախարարության ուսումնական կենտրոնը: Այս պահին կառույցի վրա ծախսվել է վեց միլիարդ դրամ, նախատեսվում է ևս չորս միլիարդ:
«Ֆինանսների նախարարությունը Դիլիջան չի տեղափոխվի, պարզապես կլինեն ուսումնական երկարատև ծրագրեր»,-ասաց ֆինանսների նախարար Գագիկ Խաչատրյանը՝ հավելելով, որ Երևանում ունեն մաքսային և հարկային ուսումնական կենտրոններ, որտեղ ներկայումս ընթանում են կարճաժամկերտ ծրագրեր, իսկ երկարատև ծրագրերը կիրականցվեն Դիլիջանի ուսումնական կենտրոնում:
Թեև նախատեսված էր շինարարական աշխատանքներն ավարտել այս տարվա վերջին, սակայն, Գագիկ Խաչատրյանի խոսքերով, որոշ ֆինանսական խնդիրների պատճառով կառույցի շինարարությունը կավարտեն մյուս տարի:
Ֆինանսների նախարար Գագիկ Խաչատրյանը նաև նշեց, որ նպատակն է այս կենտրոնը դարձնել տարածաշրջանային միջազգային կենտրոն, լինելու են ուսումնական երկարատև ծրագրեր, գիտաժողովներ, միջազգային ֆորմատի քննարկումներ, հանգստայն գոտի:
Նա նշեց, որ այսօր ունենք 57.000 փոքր և միջին ձեռնարկատերեր, որոնք չնչին մասն են բյուջետային եկամուտների կազմում, հիմնական բեռը խոշոր հարկատուների վրա է:
«Մենք հիմա փոխել ենք մեր մարտավարությունը և այնպես ենք տանում օրենսդրական դաշտը, որ փոքր և միջին բիզնեսը զարգանա»,- ասաց նախարարը:
Ավելին՝ տեսանյութում:
