UWC Դիլիջան դպրոցն այս տարի 16-18 տարեկան առաջին աշակերտներին կընդունի՝ առաջարկելով միջազգային չափանիշներին համապատասան կրթություն: Քոլեջը նախատեսված է ավելի քան 50 երկրներից աշակերտների համար:
Քոլեջի տնօրեն Ջոն Պադֆութը լրագրողների հետ զրույցում նշեց, որ դպրոցի շինարարական աշխատանքները ավարտման փուլում են: Տնօրենի խոսքերով՝ սա «Աշխարհի միացյալ քոլեջներ» /UWC/ կրթական ցանցի 14 քոլեջներից և դպրոցներից մեկն է:
«Որոշումը՝ գալ Հայաստան և այստեղ դպրոց բացել, պայմանավորված էր այն բանով, որ այս տարածաշրջանում նման որակի դպրոց չկար: Հայաստանը կենտրոնական դիրք ունի, գտնվում է Արևելքի և Արևմուտքի միջև, Հայաստանը լի է պատմամշակութային արժեքներով»,- ասաց նա՝ հավելելով, որ առաջին 98 աշակերտները մեծապես կշահեն:
Նա նաև նշեց, որ դպրոցը, գտնվելով Դիլիջանում, պետք է ինտեգրվի տեղական կյանքում ու փոխադարձ կապի մեջ լինի տեղի երիտասարդների և աշակետների հետ:
Կրթահամալիրի տարածքը 88 հեկտար է Դիլիջան ազգային պարկի հարևանությամբ:
Այսօր դպրոց էր այցելել Հովիկ Աբրահամյանը: Նա տնօրենից հետաքրքրվեց՝ քանի տոկոսն են կազմում տեղի մանկավարժները: Պատասխանը մխիթարական չէր: Պարզվեց՝ տեղացի երկու մանկավարժ կա, մեկը հայոց լեզվի մասնագետն էր, մյուսը՝ ռուսաց լեզվի:
Հովիկ Աբրահամյանը եղավ խմբային սենյակներում, գրադարանում, ապա ասաց՝ «Վերի վերի գուդ». Հովիկ Աբրահամյանը տպավորված է UWC Դիլիջան քոլեջով:
Առաջին երեք տարիների ընթացքում տարեկան հարյուր ուսանող կընդունվի, իսկ երեք տարի անց լրացուցիչ մասնաշենքեր կկառոցվեն, որոնք ևս հարյուր աշակերտի հնարավորություն կտան սովորել քոլեջում:
Վարչապետը նշեց, որ յուրաքանչյուր նման նախաձեռնության իրենք աջակցելու են:
Ավելին՝ տեսանյութում: