Վրաստանի վարչապետ Իրակլի Ղարիբաշվիլին հանդիպել է ՆԱՏՕ-ի Խորհրդարանական վեհաժողովի նախագահ Հյու Բեյլիի հետ: Այս մասին հայտնում է Trend-ը՝ հղում անելով Վրաստանի կառավարության մամլո ծառայությանը:
Ուրբաթ օրը Վրաստանի կառավարության մամլո ծառայությունում հայտնել են, որ կողմերը քննարկել են դաշինքին Վրաստանի միանալու հարցերը: Զրույցը վերաբերել է Վրաստանի և ՆԱՏՕ-ի մերձեցման ձևաչափերին և այդ գործընթացում ձեռք բերված առաջընթացին: Քննարկվել է նաև տարածաշրջանի իրավիճակը:
Ղարիբաշվիլին ևս մեկ անգամ հաստատել է, որ ՆԱՏՕ-ին ինտեգրումը Վրաստանի արտաքին քաղաքականության գլխավոր առաջնայնություններից է:
ՆԱՏՕ-ի ԽՎ պատվիրակությունը Վրաստան է ժամանել երեկ: Դրա կազմում ընդգրկված են՝ փոխնախագահներ Դանիել Բաքելայնը և Կառլ Լամերսը, վեհաժողովի գլխավոր քարտուղար Դևիդ Հոբսը, նախկին փոխնախագահ Խուլիո Միրանդա Կալխան: