Մտագարությունը (շիզոֆրենիա), ալկոհոլիզմը և կրկնաբևեռ գերզգայական խանգարումն առաջանում են նույն գենի պատճառով, որը հանդիպում է 200 մարդուց մեկի մոտ։ Այն GRM3 գենի (որը ենթադրաբար մասնակցում է նեյրոնային ազդանշանների փոխանցմանը) հազվադեպ տարբերակն է։ Լոնդոնի համալսարանական քոլեջի գիտնականները հայտնաբերել են, որ այդպիսի գենով մարդիկ 2-3 անգամ հաճախ են տառապում վերոնշյալ հիվանդություններով։
Իրենց հետազոտության մեջ նրանք համադրել են երեք խանգարումներից մեկով տառապող 4971 մարդու գենետիկ անալիզի տվյալները 1303 առողջ մարդկանց գեների հետ։
GRM3 գենի այդ տարբերակի կապը մտագարության հետ հաստատվել է նաև ուրիշ, գեների ավելի մասշտաբային՝ 36989 մտագարությամբ տառապող և 113075 առողջ մարդկանց գեների անալիզով։ Պրոֆեսոր Դևիդ Քերտիսն ասում է. «Հայտնաբերվել է նոր նշանակետ դեղամիջոցային ազդեցության համար։ Այժմ մենք կարող ենք գտնել այդ խանգարումների բուժման և պրոֆիլակտիկայի արդյունավետ միջոցներ։ Գլոբալ հետազոտման տվյալներն առանձնապես համոզիչ են, որովհետև սխալվելու հավանականությունը չափազանց փոքր է»։
Ներկա պահին մտագարությունը բուժում են դոֆամինի ակտիվությունն նվազեցնող պրեպարատներով։ Դոֆամինը պատասխանում է ուղեղի բջիջների միջև ազդանշանների փոխանցման համար։ Համարվում է, որ նրա բարձր ակտիվությունը հանգեցնում է ուղեղի բաժիննեի միջև կապի առաջացման, որոնք նորմայով պետք է գործեն առանձին։ Այսպես, հիվանդները կարող են ձայներ լսել խոսքի և լսղության ուղեղային կենտրոնների միջև կապի պատճառով։