Հոլիվուդյան դերասանուհու անձնական կյանքը դասավորվում է: 38-ամյա գեղեցկուհու սիրելին՝ Շոն Փենը նրանց ընտանիքի համար տուն է պատրաստում, շուտով զույգը կամուսնանա Աֆրիկայում: Թվում է, թե Թերոնը պետք է հանգստանա և իրեն նվիրի ընտանիքին, սակայն դրա փոխարեն շարունակում է շատ համարձակ կերպարներով նկարահանվել նոր ֆիլմերում, գրում է 7 days-ը:
Այսպես, ռեժիսոր Ջորջ Միլլերի «Խելագար Մաքսը. կատաղության ճանապարհ» ֆլմում Թերոնը անճանաչելիորեն փոխվել է: Համացանցում են հայտնվել ֆիլմից կադրեր, որտեղ դերասանուհին խաղում է Թոմ Հարդիի հետ: Թերոնը չի վախեցել հետևել իր գործընկերուհիների՝ Դեմի Մուրի, Նատալի Փորթմանի օրինակին և սափրել է մազերը: Հրապարակված լուսանկարներում Շարլիզը նստած է մեքենայի ղեկին, նրա դեմքին ցեխ է քսած, իսկ շքեղ խոպոպների փոխարեն կարճ ոզնի է: