Ուկրաինայի խորհրդարանում գրանցել են որոշման նախագիծ (№4364), որով նախատեսվում է Գերագույն ռադայի արտահերթ ընտրություններ անցկացնել սեպտեմբերի 28-ին, տեղեկացնում է korrespondent.net–ը։
Օրինագիծը նախաձեռնել են ժողովրդական պատգամավորներ Իգոր Երեմեևը, Վլադիմիր Լիտվինը և Յարոսլավ Մոսկալենկոն։
Փաստաթղթի տեքստը առայժմ չկա Գերագույն ռադայի կայքում։
Ինչպես հաղորդվել է, ՈՒԴԱՐ և «Ազատություն» ֆրակցիաները հայտնել են խորհրդարանական կոալիցիայից դուրս գալու մասին, և ԳՌ խոսնակ Ալեքսանդր Տուրչինովը հայտարարել է խորհրդարանական կոալիցիայի լուծարման մասին։
Ուկրաինայի Սահմանադրությամբ՝ երկրի նախագահն իրավունք ունի ժամկետից շուտ դադարեցնելու Գերագույն ռադայի լիազորությունները, եթե կոալիցիայի գործունեության դադարեցումից հետո մեկ ամսվա ընթացքում խորհրդարանում չի ձևավորվի նոր կոալիցիա։
