Այսօր 53-ամյա ազատամարտիկ, երկու ոտքից զրկված Սամվել Մելոյանին ԱԻՆ աշխատակիցները «Հանս Քրիստիան Կոֆոեդ» հայ-դանիական բարեգործական հիմնադրամի անօթևանների կենտրոնից տեղափոխեցին տուն։ Ազատամարտիկն իր տուն պիտի մտներ ոստիականների ուղեկցությամբ. հայրական օջախում իրեն սպասող չկա, տանից քույրը վռնդել է: «Առաջին լրատվական»-ի հետ զրույցում ազատամարտիկը մանրամասնեց. «Ամբողջ կյանքս էդ տանն եմ ապրել, գրանցում, ամեն ինչ կա, բայց հիմա տան խնդիր են դրել, ուզում են ինձ ուղարկել ծերանոց, ես էլ չեմ համաձայնում»: Հիմա էլ Սամվել Մելոյանը գիտի՝ տանը իրեն չեն ընդունի, հենց այդ պատճառով էլ դիմել է նաև ոստիկանությանը. «Տանը ապրում ենք ես, քույրս ու հայրս, էնքան արեցին, որ տանից գնամ, վռնդում էին»:
Ազատամարտիկը չորս ամիս ապրել է փողոցում, հետո հայտնվել է հիվանդանոցում և այնուհետև անօթևանների այս կենտրոնում: Կենտրոնի բժշկուհի Մալվինա Ջամալյանը մեզ հետ զրույցում ընդգծեց, որ ազատամարտիկը ոտքերից զրկվել է վթարի պատճառով, բացի այդ՝ թևի հատվածում հոդ է գոյացել: Բժշկուհին նաև ընդգծեց, որ ազատամարտիկը մի քանի օր է, ինչ իրենց կետրոն էր տեղափոխվել, բայց եթե տանից երկար բացակայի, իրավաբանորեն կկորցնի այն, առանց այն էլ քույրը ուզում է տան միակ տերը լինել:
Առավել մանրամասն՝ տեսանյութում։