Յուրաքանչյուր 10-րդ կին երեխայի ծնունդից հետո առնվազն կես տարով ընդհատում է ինտիմ հարաբերությունները, ցույց է տվել 1350 մարդու հետազոտությունը: Իսկ յուրաքանչյուր 10 կնոջից ավելի քան 1-ը նույնիսկ ավելի երկար ժամանակ չի զբաղվել սեքսով: Ամենից հաճախ այդպիսի կանայք արտակարգ կեսարյան հատումով են երեխա ունեցել, ծննդաբերության ժամանակ վնասվել են նրանց հյուսվածքները կամ ենթարկվել վիրաբուժական միջամտության, հայտնում է The Daily Mail-ը:
Այդ խմբի 20%-ից քիչ մասը վերսկսել է սեքսով զբաղվել ծննդաբերությունից հետո 6 շաբաթվա ընթացքում: 3 ամսվա ընթացքում սեքսով սկսել է զբաղվել 60%-ը, 6 ամիս հետո՝ 90%-ը, մեկ տարի հետո՝ 3%-ը: Միաժամանակ, յուրաքանչյուր 5-րդ տղամարդ խուսափել է սեքսից ավելի քան 3 ամիս՝ հաճախ վախենալով զուգընկերուհու առողջության համար:
Զսպման նշված ժամկետները շատ ավելի մեծ են նախորդ սերունդների դեպքում: Հոգնածությունը, ցավը, սեփական արտաքին տեսքի հարցում վախերը սեքսից հրաժարվելու հիմնական պատճառներն են:
Այդ հարցում խիստ կանոններ չկան: Ամեն ինչ անհատական է: Իհարկե, պետք է հիշել, որ ծննդաբերությունից անմիջապես հետո սեքսի դեպքում հղիանալու հավանականությունը զգալիորեն մեծանում է: Ուստի անհրաժեշտ է հակաբեղմնավորիչներ օգտագործել:
