Իրաքի մի մասը վերահսկող «Իսլամական պետության» զինյալները գրավված տարածքներում կանանց զանգվածային թլպատման հրաման են արձակել: Այս մասին հայտնում է Reuters-ը՝ հղում կատարելով Իրաքում ՄԱԿ-ի հումանիտար հարցերով ներկայացուցիչ Ժակլին Բադքոքի հայտարարությանը:
«Դա ֆետվա է (կամ կրոնական հրամանագիր): Մենք այդ մասին իմացել ենք այսօր առավոտյան»,- ասել է Բադքոքը:
Կանանց թլպատումը կանացի սեռական օրգանների հեռացման կամ վնասման վիրահատություն է, որն արվում է առանց բժշկական ցուցումների:
