Ֆրանսիան խոստացել է 11 մլն եվրոյի օգնություն հատկացնել Գազային՝ հաղորդում է Agence France-Presse-ը: Այս մասին նախագահ Ֆրանսուա Օլանդը հայտարարել է ոչ կառավարական կազմակերպությունների ներկայացուցիչների հետ հանդիպմանը:
Ֆրանսիական առաջնորդի խոսքով՝ ոչ կառավարական կազմակերպությունները հաղորդում են, որ Գազայում ներկայում իրավիճակը շատ լուրջ է, քաղաքացիական բնակչությունը կարիքն ունի ամենաանհրաժեշտ բաների, իսկ մարդասիրական կազմակերպությունները նրանց արդյունավետ օգնություն չեն կարող հատկացնել:
Փարիզը փորձում է հավասարակշռված քաղաքականություն իրականացնել մերձավորարևելյան հակամարտությունում: Այսպես. ֆրանսիական դատարանը հուլիսի 23-ին երեք պաղեստինցիների դատապարտել է ազատազրկման հակաիսրայելական ցույցերին մասնակցելու համար:
Դրա հետ մեկտեղ՝ մի քանի օր առաջ Ֆրանսիայի ԱԳՆ ղեկավար Լորան Ֆաբիուսը Թել Ավիվից պահանջել էր դադարեցնել Գազայի ուղղությամբ հարվածները, քանի որ դրանք բերում են մեծ թվով զոհերի: Նման քաղաքականության պատճառով Փարիզը քննադատության է ենթարկվում հակամարտության երկու կողմերից էլ: