Ամերիկյան Boeing Co կոնցեռնը իրանական Iran Air ավիաընկերության հետ կնքել է ինքնաթիռների պահեստամասերի մատակարարման պայմանագիր: Այսպիսով՝ այն դառնում է ամերիկյան առաջին ընկերությունը, որը 1979-ից հետո առաջին անգամ Իրանի հետ բիզնես է վարելու՝ հայտնում է AFP-ն՝ հղում անելով Boeing Co-ի հաշվետվությանը:
Համաձայնագիրը կնքվել է 2014-ի երկրորդ եռամսյակում: Ամերիկյան ավիաարտադրողը Iran Air-ին կմատակարարի ինքնաթիռների պահեստամասեր, ցուցումներ, աերոնավիգացիոն քարտեզներ ու տվյալներ, ինչպես նաև խորհրդատվություններ ինքնաթիռների մոդիֆիկացիայի, դետալների փոփոխության ու դրանց վիճակի ստուգման մասին:
Բացի այդ՝ բանակցություններ են տարվում ամերիկյան ընկերության ու Iran Air Tours դուստր ընկերության միջև համանման ծառայությունների տրամադրման մասին: