Ջոն Տրավոլտայի նախկին օդաչուն՝ Դուգլաս Գոթերբին, օրինական իրավունք է ստացել բացահայտելու դերասանի հետ 6-ամյա հարաբերությունների բոլոր մանրամասները, որոնք, ամենայն հավանականությամբ, դուրս են եկել աշխատանքային շրջանակներից: Հուլիսի 22-ին Կալիֆոռնիայի դատարանը համապատասխան որոշում է կայացրել՝ գրում է spletnik.ru-ն:
Դուգլասը մտադիր է դերասանի հետ իր հարաբերությունների մասին պատմել ոչ միայն դատարանի դահլիճում, այլև իր գրքում:
60-ամյա աստղի նախկին օդաչուի խոսքով՝ իրենք ծանոթացել են 1981-ին, ու հարաբերությունները դուրս են եկել աշխատանքային շրջանակից: Նրանց կապն ավարտվել է 1987-ին, որի ժամանակ օդաչուն ստորագրել է փաստաթուղթ գաղտնիության պահպանման մասին:
Սակայն 2012-ին նա սկսեց մանրամասներով կիսվել մամուլի հետ, և Տրավոլտայի փաստաբանը հայտարարեց ստորագրված փաստաթղթի պայմանները չկատարելու մասին: Հետագայում Դուգլասը սկսեց օգնություն փնտրել Կալիֆոռնիայի դատարանում, որտեղ նրան խորհուրդ տվեցին ներկայացնել հայց՝ դերասանի կապի մասին բացահայտ խոսելու իրավունքի մասին: Արդյունքում՝ համաշխարհային հանրությունը հնարավորություն կունենա իմանալ Ջոն Տրավոլտայի մասին շատ նորություններ: