Hachette հրատարակչատան և Amazon ինտերնետ-ռիթեյլերի վեճում հրատարակչատան կողմից հանդես եկած գրողները միավորվել են Authors United («Հեղինակների միավորում») կազմակերպության մեջ՝ հայտնում է The Bookseller պարբերականը: Միության կազմում ընդգրկվել է 12 հեղինակ, այդ թվում՝ Լի Չայլդը, Ջեֆրի Դիվերը, Դևիդ Բալդաչին, Սթիվեն Քինգը, Ջեյմս Փաթերսոնը, Դոննա Թարթը:
Authors United-ի նախաձեռնության հեղինակն ամերիկացի գրող Դուգլաս Փրեստթոնն է, ով Amazon-ի նախագահի հասցեին նամակ է տարածել՝ պահանջելով հարթել Hachette-ի հետ վեճը, ինչն «արգելափակում ու հետաձգում է գրքերի վաճառքը»: Այդ նամակը ստորագրել են Authors United-ում ընդգրկված գրողները:
Նոր միության խնդիրն է Amazon-ի դեմ պայքարի երկարաժամկետ ռազմավարության մշակումը, եթե նամակում նշված պահանջները չկատարվեն:
Ի պատասխան՝ Amazon-ը գրողներին առաջարկել է էլեկտրոնային գրքերի վաճառքից Hachette Hachette-ի հեղինակներին վճարել 100 տոկոս ռոյալթի, քանի դեռ հրատարակչության և խանութների միջև բանակցություններ են ընթանում: Authors United-ի ստեղծումից հետո Kindle-ի համար կոնտենտի վաճառքի ամազոնյան դեպարտամենտի ղեկավար Ռաս Գրանդինետին առաջարկել է վճարել սովորական հոնորար, իսկ վաճառքից ստացվածն ուղղել բարեգործության, մինչև վեճը հարթվի:
Իսկ 27 անկախ գրողների խումբը հրապարակել է միջնորդագիր՝ հաջակցություն Amazon-ի: Այն ստորագրել է 7000-ից ավելի մարդ: