Ուկրաինայի անվտանգության ծառայությունը անհերքելի փաստեր է հավաքել, որոնք ապացուցում են «Ռուսաստանի անվտանգության դաշնային ծառայության և Ռուսաստանի հետախուզության գլխավոր վարչության առնչությունը Դոնբասի մոտ մալայզիական «Բոինգ-777»-ի աղետին: Այս մասին «Ազատություն» ռադիոկայանի ուկրաինական ծառայության եթերում հայտարարել է Ուկրաինայի անվտանգության ծառայության նախագահի տեղակալ Վիկտոր Յագունը:
«Մենք ուղղակի ասում ենք՝ այդ ամենի հետևում կանգնած է Ռուսաստանի գլխավոր շտաբի հետախուզության գլխավոր վարչությունը, որն անմիջականորեն ղեկավարում է ահաբեկիչներին ծանր զինատեսակների փոխանցման գործընթացը, և Ռուսաստանի անվտանգության դաշնային ծառայությունը, որոնք ղեկավարում են թեթև զինատեսակների փոխանցումը Ղրիմից, որն ավելի վաղ պատկանել է ուկրաինական բանակին»,- ասել է Յագունը:
Մեկնաբանելով համագործակցությունը ուղևորատար ինքնաթիռի աղետի պատճառի միջազգային հետաքննության մասնակիցների հետ՝ վերջնիս ասել է, որ «մենք նրանց կփոխանցենք ապացույցներ, որոնք մենք ստացել ենք սահմանված օրենքով: Մենք ունենք և՛ վկաներ, և՛ լուսանկարներ, և՛ տեսանյութ: Մեզ մոտ ամեն օր անցկացվում են խորհրդատվություններ արտասահմանցի գործընկերների հետ, որոնք կատարում են այդ ահաբեկչական ակտի հետաքննությունը: Մենք բաց ենք աշխարհի համար»,- ասել է Յագունը:
