Հանրապետական սենատոր Ջոն Մաքքեյնը The Telegraph-ին տված իր բացառիկ հարցազրույցում Ռուսաստանին ուղղված եվրոպական պատժամիջոցները կատակ է անվանել:
«Դա կատակ է, նրանք ոչինչ չեն անի: Ես կանխատեսել եմ, որ նրանք ոչինչ չեն անի: Նրանք ոչինչ չեն անի մինչև այն օրը, երբ անկախ կդառնան ռուսական էներգետիկայից: Մինչ այդ պահը նրանք միայն կխոսեն»,- հայտարարել է Մաքքեյնը:
Հանրապետական սենատորը ավելացրել է նաև, որ «ԵՄ-ն պետությունների անգործության պայմաններում» Մեծ Բրիտանիան պետք է ինքնուրույն գործի և բանկային նոր պատժամիջոցներ կիրառի: Սակայն նա կասկածում է, որ բրիտանական կառավարությունը կկարողանա այդքան վճռական լինել:
«Դա կօգներ, սակայն նրանք դա չեն անի, քանի որ չեն ցանկանում, որպեսզի այդ բոլոր գումարները Լոնդոնում մնան»,- ասել է Մաքքեյնը:
Մաքքեյնը Ռուսաստանի նկատմամբ պատժամիջոցներ կիրառելու ամենաակտիվ կողմնակիցներից է:
