Նանջինգի օլիմպիական պատանեկան խաղերի ծրագրով, ծանրամարտի մրցաշարում, տղաները հանդես կգան վեց
քաշային կարգերում:
Գյումրեցի Հակոբ Մկրտչյանը / 77 կգ / նպատակ ունի լավ մարզավիճակով ներկայանալ մրցավայր: Հույս կա , որ նա տեղ կգտնի մրցանակային եռյակում: Այս տարի Լեհաստանի
Ցեխանով քաղաքում անցկացված Եվրոպայի պատանեկան առաջնությունում Գյումրիի օլիմպիական քոլեջի սանը
երկամարտի 290 կգ / 130 + 160 / արդյունքով գրավեց երրորդ տեղը : Ի դեպ, սա 17 –ամյա մարզիկի ցույց տված
լավագույն արդյունքն է եղել: Դրանից հետո մարզումներում նա բազմիցս կրկնել, նույնիսկ ` բարելավել է այդ ցուցանիշը:
Հակոբ Մկրտչյանի անձնական մարզիչ Արմեն Մկրտչյանը ամեն ջանք գործադրում է օժանդակ միջոցներով,
մարզոցների օգնությամբ հղկել իր սանի` պոկում վարժության կատարման տեխնիկան: Իսկ պատանեկան
հավաքականի ավագ մարզիչ Վիգեն Խաչատրյանն ասում է, որ նանջինգյան խաղերի երկու ուղեգրերը ձեռք են
բերվել 2013 –ին, Տաշքենդում կայացած աշխարհի պատանեկան առաջնությունում, երբ թիմը գրավեց ութերորդ տեղը: Մարզիչը գովաբանում է Հակոբի կամային բարձր որակները, մարտական , աննահանջ ոգին: Մեդալների համար պայքարին տոն կտան նաև Ռուսաստանի,Կոլումբիայի , Բուլղարիայի և Թուրքիայի ներկայացուցիչները:
ARMNOC.AM
