Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Տուժող ոստիկանը Շանթ Հարությունյանի մասին խոսելիս պարտադիր ասում էր՝ «պարոն Շանթ Հարությունյան»

Շանթ Հարությունյանի գործով այսօր հարցաքննվեց նաև տուժողների ցուցակում տասներեքերորդ համարը՝ ոստիկան Արսեն Սարգսյանը:

Նա Շանթ Հարությունյանի մասին խոսելիս անպայման ասում էր՝ «պարոն Շանթ Հարությունյան»: Մնացած ամբաստանյալների անունը հիշատակելիս «պարոն» բառը չէր օգտագործում:

Տուժողն ասաց, որ իրենց գումարտակը հրահանգավորվել էր, որ պարոն Շանթ Հարությունյանը Ազատության հրապարակից երթ է կազմակերպում դեպի Բաղրամյան 26: «Մենք պետք է ուղեկցեինք երթը, ապահովեինք նրա խաղաղ ընթացքը»,- ասաց տուժողը:

Բայց խաղաղ ընթացք ապահովել նրանք չեն կարողացել:

Սկզբում երթը խաղաղ է եղել: Ոստիկանները հրահանգավորված են եղել, որ թույլ չտան՝ երթի մասնակիցները դուրս գան ճանապարհի երթևեկելի հատված, որպեսզի չխոչընդոտեն երթևեկությանը, այլ քաղաքացիների սահմանադրական իրավունքները չխախտվեն: Բայց, ըստ տուժողի, երթի մասնակիցները պարոն Շանթ Հարությունյանի ու նրա մի քանի համախոհների գլխավորությամբ փորձել են դուրս գալ Մաշտոցի պողոտայի բանուկ հատված: Ոստիկանության վերակարգն էլ փորձել է նրանց դուրսգալը խոչընդոտել:

Ու այդպես, ըստ տուժողի, սկսվել է «միջադեպը» փողոցի մեջտեղում. «Որոշ քաղաքացիներ փայտե մահակներ ունեին, ոմանք էլ ինքնաշեն պայթուցիկ առարկաներ… Առավել ակտիվ էր Միսակ Առաքելյանը, ով պայթուցիկներ էր հանում գրպանից ու նետում…

Նրան մեկուսացրինք, մոտեցնում էինք պարեկային մեքենային… Այդ ժամանակ ուշադրություն գրավեց նաև Վարդան Վարդանյանը, ով զինվորական համազգեստով էր: Նա փորձում էր խոչընդոտել Միսակ Առաքելյանին ոստիկանության մեքենա նստեցնելը: Նրա նկատմամբ ֆիզիկական ուժ գործադրվեց, նա ևս նստեցվեց պարեկային մեքենա ու բերման ենթարկվեց ոստիկանություն…

Վարդանյանի ինքնությունը պարզվեց ոստիկանության բաժնում՝ իր իսկ բանավոր հայտարարությամբ…»:

Վարդան Վարդանյանը տուժողի ուշադրությունը գրավել է նաև նրանով, որ դեպքի վայրում իր ձեռքի փայտե մահակով հարվածներ է հասցրել քաղաքացիական հագուստով մեկին, ով գոռում էր, թե ինքը ոստիկանության աշխատող է: Ըստ տուժողի՝ այդ քաղաքացու գլուխը պատռվել էր:

Տուժողը մտաբերեց նաև Ալբերտ Մարգարյանին, ում նույնպես բերման են ենթարկել ոստիկանություն: Մյուսների գործողությունները տուժողը չի հասցրել տեսնել:

Տուժողն ասաց, թե առաջին անգամ չէր, որ վերակարգի կազմում մասնակցելու էր երթի ուղեկցմանը: Նախկինում էլ է մասնակցել՝ «ավելի շատ մարդաքանակով» երթերի: Իրենց հրահանգավորել էին թույլ չտալ, որ երթի մասնակիցները մտնեն փողոցի բանուկ մաս: Յուրաքանչյուր ոստիկան զգուշացրել է իր շուրջը գտնվող երթի մասնակիցներին:

Տուժողի գումարտակի հրամանատար Գեղամ Խաչատրյանը կանգնել է Շանթ Հարությունյանի առաջ ու փորձել է ձեռքի «ժեստիկուլյացիայով» թույլ չտալ, որ նա մարդկանց տանի պողոտայի բանուկ մաս:

Ամբաստանյալ Միսակ Առաքելյանի հարցին տուժողը պատասխանեց, թե չի տեսել, որ նա պայթուցիկը հանի գրպաններից, տեսել է միայն, որ նա նետել է պայթուցիկները:
Այդ պայթուցիկների պայթյուններից տուժողի աչքերը մռմռացել են, դա երկար չի տևել, բայց ֆիզիկական ցավ է պատճառել նրան, նա բժշկի չի դիմել:

Տեսնելով Միսակի գործողությունները՝ տուժողը փորձել է հնարավորինս արագ մոտենալ իրենից երկու մետր հեռավորության վրա գտնվող այդ մարդուն, որ մեկուսացնի: Զուգահեռ նկատել է նաև Վարդանյանի գործողությունը. նա փայտե մահակով հարվածում էր քաղաքացիական շորերով մարդուն: Այդ մարդն ասում էր, որ ինքը ոստիկան է, ու տուժողը հավատում էր նրան:

Տուժողը չկարողացավ հիշել, թե կոնկրետ ինչից սկսվեցին անկարգությունները: Լսել է, որ Շանթ Հարությունյանը առաջ շարժվելու կոչ է արել «իր կողակիցներին»:

Տուժողն ասաց, որ փողոց դուրս եկող մարդկանց սկզբում բանավոր կերպով էին զգուշացնում: Հետո, նրանց դիմադրությանն ի պատասխան՝ ստիպված են եղել ֆիզիկական ուժ գործադրել:
Տուժողն ասաց նաև, որ դեպքից հետո տասը հոգով այցելել են հիվանդանոցում գտնվող իրենց հրամանատար Գեղամ Խաչատրյանին:

Ամբաստանյալ Վարդան Վարդանյանի հարցին ի պատասխան՝ տուժողը հաստատեց, որ Վարդանյանը ոստիկանական մեքենա նստելիս չի դիմադրել, քաշքշոց չի առաջացրել:

Տուժողի հարցաքննությունն ավարտվեց:

Գործով տասնվեց տուժողներից դատարանն արդեն հարցաքննել է վեցին: Հաջորդ դատական նիստին տուժողների հարցաքննությունը կշարունակվի:

Փաստաբան Կարեն Քալանթարյանը մեր զրույցի ժամանակ ասաց, թե ամբաստանյալների մի մասին, այդ թվում՝ իր պաշտպանյալներ Ավետիսին ու Սևակին առաջադրված մեղադրանքի ծավալից հանվել է իշխանության ներկայացուցիչներին դիմադրելու, նրանց նկատմամբ բռնություն գործադրելու մեղադրանքը, մնացել է միայն խուլիգանության մեղադրանքը:

Ըստ փաստաբանի՝ խուլիգանության հանցակազմի համար էական նշանակություն ունի, թե ինչի՞ց է սկսվել այն: Տվյալ դեպքում տեսագրությունից երևում է, որ մարդիկ բորբոքվել են, երբ ոստիկան Գեղամ Խաչատրյանը քաշել է Շանթ Հարությունյանի թևից, փորձել է նրան մի կողմ քարշ տալ: Շանթի համախոհները դրանից են բորբոքվել:

Այդ հանգամանքը էական նշանակություն ունի այս գործի ելքի համար՝ ըստ փաստաբանի:

Այսօրվա դատական նիստի ժամանակ ներգրավվեց նոր պաշտպան՝ փաստաբան Տիգրան Գալստյանը:

Շանթ Հարությունյանի որդին՝ Շահենը, չնայած երկար հենակներով մի կերպ էր տեղաշարժվում, բայց բավական ժպտադեմ էր ամբաստանյալի իր տեղում ու ցույց չէր տալիս, որ ֆիզիկական ցավ է զգում:

Հաջորդ դատական նիստը տեղի կունենա հուլիսի 30-ին:

 

Լուսանկարը` PAN Photo-ի

Բաժիններ
Ուղիղ
Լրահոս
Որոնում