Ամերիկյան Microsoft կորպորացիայի մաքուր շահույթը 2013-2014 ֆինանսական տարվա IV եռամսյակի արդյունքներով, որն ավարտվել է ընթացիկ տարվա հունիսի 30-ին, նվազել է 7 տոկոսով՝ հասնելով 4.6 մլրդ դոլարի: Այս մասին հայտնում է RBK-ն՝ հղում անելով ընկերության նյութերին:
Ողջ ֆինանսական տարվա ընթացքում ընկերության մաքուր շահույթն ավելացել է 1 տոկոսով՝ հասնելով 22 մլրդ 074 մլն դոլարի:
Microsoft-ի եկամուտը եռամսյակում աճել է 17 տոկոսով՝ հասնելով 22.38 մլրդ դոլարի: Ողջ ֆինանսական տարվա ընթացքում եկամուտն ավելացել է 11.5 տոկոսով՝ հասնելով 86 մլրդ 833 մլն դոլարի:
Ավելի վաղ ընկերությունը հայտնել էր վերակառուցման ծրագրի մասին: Microsoft-ը ծրագրում է հաջորդ տարվա ընթացքում 18 հազար աշխատող հեռացնել, ինչը կազմում է ողջ աշխատակազմի 14 տոկոսը:
