Պաղեստինի վարչապետ Ռամի Համդալլան կոչ է արել Գազայի հատվածից վերացնել շրջափակումը, որը սահմանվել էր 2007-ին Իսրայելի և Եգիպտոսի կողմից: Այս մասին փոխանցում է BBC-ն:
Համդալլայի հետ համատեղ մամլո ասուլիսի ժամանակ ՄԱԿ-ի գլխավոր քարտուղար Պան Գի Մունը հայտարարել է, որ եկել է պաղեստինցիների տառապանքներին վերջ տալու ժամանակը:
Իսրայելական զորքերը երեքշաբթի շարունակել են հարվածներ հասցնել Գազայի թիրախներին՝ ի պատասխան պաղեստինյան ՀԱՄԱՍ խմբավորման գրոհայինների կողմից իսրայելական տարածքի ուղղությամբ արձակված հրթիռների:
Իսրայելի վարչապետ Բենիամին Նեթանյահուն հայտարարել է, որ ՀԱՄԱՍ-ը պետք է պատասխան տա այն բանի համար, որ մերժել է Եգիպտոսի առաջարկած հրադադարի ծրագիրը:
ՀԱՄԱՍ-ը հայտարարում է, որ չի դադարեցնի ռազմական գործողությունները, քանի դեռ Գազայի հատվածից շրջափակումը չի հանվել: